Jon sin foto- og videoblogg

Sårt tiltrengt oppdatering

2008-08-16T03:54:00.002+02:00

I mangel av noko betre å gjere lasta eg opp ein reklamefilm eg laga forrige semester.

Det skal vere ein reklame for Curran joggesko.

Panasonic DVX100, Sgpro 35mm adapter, 50mm f1.8, 105mm f2.5, 20-35mm f2.8

http://pettersen-prod.com/Curran_reklame_web.mov

Heimalaga Tilt/Shift objektiv

2008-06-16T08:37:00.008+02:00

For eit par månadar sidan lagde eg eit tilt-shift objektiv. Eg skreiv i tillegg ein guide på korleis eg laga den, men har ikkje lagt den ut tidlegare. I mangel av noko betre å gjere ein mandags morgon, legg eg ut denne guiden no.

Du kan òg laste ned guiden i .doc viss du vil. (guiden vart levert inn saman med ei portrettoppgåve på skulen og inneheldt difor nokre referansar til denne oppgåva)

Prinsippet

Tanken er at ein skal vippe objektivet slik at bildesirkelen ikkje landar flatt på sensoren. På denne måten kan ein få større eller mindre djubdeskarpheit enn ein ville fått med eit konvensjonelt objektiv. Ein kan òg bruke denne teknikken til å korrigere det såkalla Scheimpflug effekten, noko som er eit matematisk problem som kjem når ein skal ta bilete at t.d. rette geometriske former.

(Over) Bilete med Scheimpflug effekten. Dersom du tek bilete at ein bygning frå bakkenivå, med eit konvensjonelt objektiv, vil det sjå ut som at bygningen blir smalare mot toppen

(Under) Eit korrigert bilete vil sjå slik ut. Her eg bygningen firkanta, i staden for at den blir smalare mot toppen

Dersom eg skulle kjøpt eit profesjonelt tilt/shit objektiv, ville eg vore naudsynt å betale mange tusen kroner. For å spare pengar, bestemte eg meg for å lage eit sjølv.

Gjennomføring

Eit kjapt søk på google presenterte meg for fleire moglegheiter. Nokon brukte eit konvensjonelt 6x6 mellomformatobjektiv montert på ein belg, medan andre brukte gamle Holga objektiver. Det viktigaste er at bildesirkelen på objektivet er større enn 35mm film. Oprinneleg såg innkjøpslista mi slik ut:

1. Mellomformatobjektiv
2. Belg
3. El-teip
4. Fatningsdeksel til Nikon kamerahus

Eg snakka med Antonio Stasi (han har ein fotoforretning i Lille Øvregate og førar mange gamle og brukte kameramodellar og objektiv) om prosjektet mitt, og han foreslo nokre løysningar. Eg kunne kjøpe eit mellomformatobjektiv til rundt 1000 kroner, men dette er meir pengar enn eg ville bruke på dette prosjektet. Han foreslo at eg kunne kjøpe eit gamalt 6x6 rammesøkerkamera med belg, og demontere belgen og objektivet frå kamerahuset. Han hadde to rammesøkerkamera;

- Eit gamalt russisk belgkamera med eit flott 110mm f4 objektiv. Eg tykkjar 110mm er for mykje. Han ville ha 600 kroner for dette, noko som vart litt i meste laget for meg.
- Eit anna belgkamera eg ikkje hugsar merke på, med ei 7,5cm (75mm) f4 linse. Det var eit problem med lukkeren på dette kameraet, så for å få det til å virke måtte eg ha opna objektivet og fjerna lukkeren utan å skade blenderlamellane. Det trur eg ikkje at eg hadde klart.

Det siste alternativet var å kjøpe ei prosjektørlinse som brukast til framkallingsmaskiner. Han ville ha 250 kroner for ei Schneider Kreuznach Componar 75mm f4.5, og eg slo til på dette. Objektiver har blendarlamellar, slik at eg kan stoppe ned utan å berre bruke lukkertid.

(Som du ser på biletet, har objektivet firkanta blenderlamellar. Dette vil gjere at ut-av-fokus høglys (bokeh - om du vil) vil vere firkanta, noko som er lite flatterande.)

For å kunne fokusere med objektivet, måtte eg ha ein bevegeleg belg slik at eg har moglegheit til å endre avstanden frå baksida av objektivet, til sensoren. Først måtte eg måle kor langt fokuspunktet var på uendeleg fokus.

(Eg monterte ein improvisert mattskjerm (pringleslokk) på 0cm på ein linjal. Eg flytta objektivet fram og tilbake, og noterte avstanda mellom objektivet og mattskjermen for å få infinity fokus)

Eg målte avstanda den minste avstanda til 6,3 cm. For å fokusere nærmare måtte eg auke den avstanden.

Reknestykke

6,3 cm
- 4,5 cm
= 1,8 cm

Fokusavstanden (flange) på Nikon D200 er 4,5 cm. Ved å finne forskjellen, veit eg kor langt objektivet må vere frå fatninga for å få evig fokus.

Her er delane eg brukte:

(Fatningsbeskyttar for nikon og linsebeskyttar for canon FD)

(Til belg brukte eg ein sykkelslange)

I tillegg brukte eg ein del elektrikarteip.

Verktøy:
- Superlim
- Kniv/Saks
- Drill med sirkulære borer (til å borre hull i plastdekslene)
- Pussepapir

Framgong:

1. Bor hol i dekslene. Pass på at du ikkje øydelegg fatninga på fatningsdekselet.

2. Lim saman som vist på bilete. Du bør pusse ned rillene på FD dekselet for å få det til å passe betre saman med Nikon fatninga.

3. Skjer eit passande stykke av sykkelslangen. Lenga bør vere rundt 5-6 cm, men det er betre å skjære for mykje enn for lite. Du kan alltids kutte meir seinare. Hugs å skyll den godt, slik at det kvite støvet inni ikkje set seg inne i kamerahuset seinare.

4. Tre gummislangen over fatninga. Dette er den vanskelegaste delen, men med litt krefter skal det gå. Bruk eit skrujern for å tvinge gummien over. Det skal omtrent sjå ut slik som dette:

5. Plasser objektivet i gummislangen. Det skal sjå slik ut:

6. Juster lengda på gummislangen slik at det ikkje blir for mykje til overs når du trykker det ferdige tilt/shift objektivet inn. Kutt det overflødige.

7. Når alt sit på plass kan du teipe rundt fatninga og objektivet, slik at det ikkje løsnar.

8. Og no er du ferdig!

Eksempelbilete:

(Nikon D200 - iso 800)

100% crop:

Dette biletet vart teke med objektivet vidopent på f4.5. Det er ein del skarpare på f5.6 og endå skarpare på f8. Berre hugs at effekten blir mindre tydeleg ettersom dybdeskarpheiten blir større.

100% crop:

Utan tilt:

100% crop:

Som ein ser blir skarpheiten degradert veldig når ein tiltar objektivet mykje. Når objektivet ikkje er tilta, blir resultatet ganske bra.

Diverse:

Kommenter gjerne dersom det er noko du lurar på!

Kortfilmen Skrømt

2008-05-23T14:36:00.006+02:00

For nokre veker sidan fekk vi i oppgåve å lage ein kortfilm. Vi fekk utdelt eit manus som vi hadde skrive tidlegare og skulle filmatisere dette. Gruppa mi, beståande av meg, Ole og Marie, fekk utdelt manuset eg skreiv.

Ole fekk i oppgåve å vere regissør, Marie vart produsent og eg tok på meg oppgåva å vere fotograf + teknisk sjef.

Filmen vart filma med panasonic dvx100ae og den heimalaga 35mm adapteren min. Dette vart filma før eg fekk SGproen. Her er nokre bilete frå innspelinga:

OG TIL SLUTT, HER ER FILMEN

Arbeidaranes dag i Ytre Arna 08

2008-05-05T16:52:00.003+02:00

På første mai var eg og nokre venar ute i gatene og filma litt, både for å prøve ut den nye adapteren og for gøy. Næringsminister Dag Terje Andersen var på besøk og holdt ein tale, mens Geir Dale var konferansier. I tillegg var ein av dei gamle industriarbeidarane der og haldt ein flott tale om etableringa av fagforeininga i YA.

Det var hovudsakleg eg som filma, men på nokre klipp var det broren min som opererte kamera. Det vart filma med SGpro adapter og nikkor 105mm f2.5

HER ER FILMEN

Første test med ny 35mm adapter (SGpro)

2008-04-28T22:38:00.003+02:00

For nokre dagar siden mottok eg den nye 35mm adapteren eg bestilte frå england. Adapteren heiter SGpro. I tillegg bestilte eg ein følgefokus, slik at manuellfokusering skal bli enkelt. Tusen takk til Arna og Åsane kulturkontor som innvilga støtte :D

Dei siste dagane har eg laga ein skulderpute og handtak til riggen slik at den skal vere god å filme med utan å bli sliten. Med ei total vekt på sikkert rundt 4-5 kg blir det tungt i lengda. Eg kjem tilbake til riggen seinare.

I går hadde eg lite å gjere på, så då gjekk eg og Bård ut i veien for å filme/fotografere litt. Stort meir er det ikkje eigentleg å seie. Her kjem resultatet:

SJÅ TESTFILM

Musikken er Limo Driver av BigBang.

Oppdatering:

Eg tok nokre bilete av riggen i dag.

Utplassering i Dale of Norway

2008-03-20T19:15:00.006+01:00

Dei siste to vekene har klassen vår vore i uplasseringsjobbar ymse stadar i Hordaland. Eg var så heldig å få vere med Dale of Norway på fotoshoot til Lofoten ei veke. Oppgåva mi på turen var å filme to små promovideoar som skulle visast på skjermar i Dale-butikkar rundtom.

Vi drog frå Bergen tidleg om morgonen og landa i Harstad litt ut på dagen. Her overnatta eg og resten av reisefølget (3 fotografar, 4 modellar, 3 frå Dale) på Thon hotel. På grunn av det fine veret fekk eg filma ein del denne dagen.

På tirsdag var det tidleg opp for å ta hurtigruten til Svolvær. Dette var ein veldig fin tur. Det var fint vær store delar av turen, men på eit tidspunkt slo været om og det var temmeleg mykje snø når vi omsider ankom Svolvær i 19-tiden. I Svolvær sov eg på rom med ein som heitte Kim, som var assistenten til den eine fotografen (Birthe - www.bestfoto.no).

Onsdagen var eg med den gruppa som reiste rundtom i Svolvær og tok bilete. Den andre gruppa var på fjellet og dreiv med offpiste. Det var strålande ver òg denne dagen, så eg fekk mykje brukbart materiale på tape.

På torsdag var vi ute i ribbar på havrafting. Eg var redd for kameraet på denne turen, så eg dekka omtrent alt med teip på førehand. Det gjekk heldigvis bra med både meg og kameraet, og eg fekk mange kule actionbilete.

Fredagen var det heimreise. Stod opp klokken 06.30 og var i Bergen i 14-tiden.

Den neste veka gjekk med til redigering. Eg filma totalt 3,5 timar, så det var mykje jobb med å kutte dette ned til to snuttar på om lag 1 min kvar.

Eg brukte mitt trufaste DVX100ae kamera på turen, samt ein manfrotto 503 + mvb 351 stativkombo på heile turen.

Her kjem det ferdige resultatet:

Dale of Norway- Sport

Dale of Norway - Heritage

Kom gjerne med kommentarar :D

Filmen er òg å finne på Dale sine nettsider.

Går tilbake til norsk - Returning to norwegian

2008-03-20T18:21:00.005+01:00

Etter eg skifta språk til engelsk har eg vegra meg meir for å skrive blogginnlegg enn eg gjorde tidlegare. Engelskkunnskapane mine er åpenlyst ikkje like god som norsken min, difor går eg tilbake å skrive god gamaldags norsk.

____________

My english is obviously not as good as my norwegian, so I'm changing back to norwegian. If anyone are wondering what I'm writing, just call out in my comments, and I'll give you a translation.

Ad for Arna Vgs.

2008-03-08T21:41:00.002+01:00

A few days ago, we had a mock exam at school. I made a short ad for a fictional school called Arna Vgs.

I made this in about 30 hours, so there's a lot of room for improvement.

It was shot with my Panasonic DVX100 camera and my homebuilt 35mm adapter. I mainly used a Canon FD 50mm f3.5 Macro lens for this vid.

--> Here it is <--

Hope you like it!

Translated into English

2008-02-29T11:41:00.002+01:00

As you can see, I have taken the time to translate the last three posts into English. From now, all posts will be in English.

Yet another 35mm adapter test

2008-02-23T16:57:00.009+01:00

If this keeps going on, I´ll have to rename my blog to Jon's photo- and videoblog. Anyway:

Not having anything reasonable to do a Thursdag morning, I rigged up lighting, an office chair and my videocamera to make a small ad.

I removed the back from the office chair and put the camera on it. The background was supposed to be blown out, but I didn't quite make it.

Panasonic DVX100ae + 35mm adapter + Canon FD 50mm f3.5 Macro and 50mm f1.8.

You can read more about the adapter HERE. (Norwegian)

Lastly, HERE is the ad.

Please comment :)

Here are some pics of the adapter. Taken with Nikon D200 + Nikkor 50mm f1.8.

35mm adaptertest

2008-02-15T23:59:00.004+01:00

Even though this is a photoblog, I will allow myself to post a small video I made last week. It's is one of the first videos I have shot with my homebuilt 35mm adapter. The adapter was used to give a shallow depth of field.

The vid was shot with a Panasonic DVX100ae camera, and as mentioned, a 35mm adapter. I only used a Canon FD 50mm f1.8 lens.

Edited in Avid Liquid 7 and compressed by sorenson squeeze. The song is "Treefingers" by Radiohead.

Here is an old pic of the adapter. It has been modified quite a lot since then.

Here is the video!

Please comment ;)

Portrait assignment at school - Ole

2008-02-15T21:55:00.002+01:00

During the last three weeks, we have had an ongoing portrait assignment at school. I cooperated with Ole, meaning that he photographed me, and I photographed him. You can find the picture of me in Ole's blog. The adress is located under Friends in my blog.

But I am not going to yap all night long. Here is the portrait:

Hope you like it! Comments are welcome, as allways ;)

Fuglar i hagen

2008-02-02T18:57:00.000+01:00

For nokre veker sidan kjøpte eg eit nytt objektiv - Nikkor Ai 400mm f5.6 ED-IF. Eg har ikkje hatt særleg tid til å bruke det i det siste, difor gjekk eg ut i hagen i går og fotograferte det yrande dyrelivet som florerar rundt fuglekassen.

Eg stod ute i vel ein time og fraus fingrane av meg, samtidig som eg skulle manuellfokusere. Men hey, kva gjer ein ikkje for fotokunsten?

Specs:
Nikon D200 + nikkor 400mm f5.6. Konvertert i rawshooter og komprimert i ps cs2.

Long time no see

2007-12-26T13:47:00.000+01:00

No er det lenge sidan eg har oppdatert bloggen min, difor bestemte eg meg for å gjere det. I mangel av noko betre å gjere på lillejulaften, gjekk eg i gong med å ta bilete av røyk - igjen.

Det er ein kunst å lage skikkeleg røyk. Denne gongen var eg på badet (på grunn av ventilasjon og lys). For at det ikkje skulle kome trekk og øydelegge røyken, måtte eg teipe over ventilasjonen. For å lage røyken brukte eg MacGyver teip. Dette luktar heilt forferdeleg når det røyker, men røykar mykje og har ein tjukk, fin røyk.

Eg brukte Nikon D200 + AiS 50mm f1.8 + kjempegamal drittblits. For å få stor nok djubdeskarpheit, blenda eg ned til f8. Iso var 200 og lukkeren var 1/160.

Eg inverte og la på fargar i photoshop.

Kommunistpropaganda

2007-11-06T21:45:00.000+01:00

Eg har alltid likt looken på sovjet sin propaganda under den kalde krigen, så i dag prøvde eg meg på det same. Dette var berre nokre gamle bilete eg fann på dataen som eg har photoshoppa veldig mykje.

Alt er teikna oppå biletet i photoshop, difor tok det ganske lang tid.

Matfotografering

2007-10-15T21:34:00.001+02:00

Dei neste vekene skal eg ta bilete at eit utal forskjellege matrettar som ein del av eit skuleprosjekt. Eg har høyrd matfotografering skal vere spesielt vanskeleg, difor prøvde eg meg litt fram i kjellaren i dag.

Til lyssetting brukte eg ein kjempegamal blits (same som eg brukte til dråpefotograferinga) og ein arbeidslampe. Dette tilseier ein del blanda fargetemperaturar, men det gjekk ganske bra. Matfotografering viste seg å vere meget vanskeleg - spesielt berre med ein blits til rådigheit, samt begrensa plass. Eg håpar eg blir betre i dette utover prosjektet.

Eg fekk eit bilete eg vart nokon lunde nøgd med.

Nikon D100 til salgs (Solgt)

2007-10-09T20:30:00.001+02:00

No har eg endeleg bestemt meg for å selge arbeidshesten min for å oppgradere til D200.

Kameraet er pent brukt, og det følgjer med ein del ekstrautstyr.

Nikon D100 hus (objektiv følger ikkje med)
Batterigrep
2 batterier
Lader
Sb-28DX blits
Lumiquest softbox

For denne pakka vil eg har 4 500 kroner.

Bileta under vart tekne med Nikon D70s og 50mm f1.8 ai-s. Her er eit bilete av oppsettet

Her er ein del bilete av kameraet.

NB! Kameraet er no solgt.

Seminar på Voss

2007-10-09T20:01:00.000+02:00

I helga var eg på seminar for Kulturungdomsrådet i Bergen på Voss. Her var det mange kjekke folk, men det var ikkje så mykje å fotografere.

Difor tok eg turen opp inn til Granvin og besøkte Anne og hennar familie. Det var ein del sauar her, og dei tek seg alltid godt ut på bilder.

Nikon D100 + Sigma 10-20mm var oppsettet.

Fotomesse i Bergen

2007-10-06T00:04:00.000+02:00

I dag var eg og Bård på fotomesse i Bergen og såg på dei nyaste kameramodellane til Nikon og Canon. Eg fekk prøve både D3 og D300, og vart meir eller mindre frelst. Hadde berre lommeboka vore litt tjukkare...

I forbindelse med denne messa, hadde Fotovideo 15% avslag på all Sigma optikk. Difor fleska eg til og kjøpte eit Sigma 10-20mm f4-5.6 HSM objektiv til den nette prisen av 3219,00 Kr. Dette blir bra.

Seinare møtte vi Harald. Vi gjekk og spelte billiard, før vi gjekk heim litt seinare på kvelden.

Først er nokre bilete eg snappa på kameramessa. Alle bileta er tekne med Nikon D100 og Sigma 10-20.

Dette er Canon-boden. Kameraet på biletet er 1Ds Mk3, om eg ikkje tek heilt feil. Det store objektivet til venstre er ein 400mm f4, og det andre er 70-200mm f2.8.

Her er nikon-boden. Til venstre i biletet ser du nikon D3 og Nikon D300.

Her er nokre random snapshots med det nye objektivet.

Hyttetur på Toska

2007-10-04T23:18:00.000+02:00

Denne haustferien har eg vore på hytta til Anne på Toska. Sjølvsagt tok eg kameraet mitt med, og det vart ein del fuglebilete.

På telefronten brukte eg mitt Soligor 200mm f2.8 og nikon TC-200 teleconverter. Denne komboen er ikkje akkurat perfekt når det kjem til skarpheit, men det er einaste måten eg kan få 400mm brennvidde utan å måtte selge familien min, samt litt til. Eg får i tillegg mykje lilla kromatisk abberasjon.

Kommentarar mottas med takk!

Myrbilder frå myrskauen

2007-09-29T23:49:00.000+02:00

Idag gjekk eg ein tur på fjellet med mål å ta bilete av Liafjellet. Det var grått og kjipt ver, difor droppa eg dette og fokuserte på "haustfargar" i staden.

Utstyret var standard utrustning; Nikon D100 + 20-35mm f2.8.

Gråvër gir ofte veldig stygg utblåst himmel, difor skaut eg i .nef og eksporterte eit normalt og eit undereksponert bilete til .tiff, før eg blanda dei saman til eit bilete.

Her er bileta:

Månen

2007-09-26T22:17:00.000+02:00

I kveld tok eg nokre bilete av månen.

Oppsettet var følgande: Nikon D100 + Sigma 70-300mm + 2x teleconverter

Dette tilsvarar 600mm, eller 900mm dersom ein tel med 1,5x cropfaktoren. 900mm f11 er ikkje akkurat gunstig, så eg måtte presse lukkertiden heilt ned til 1/20. Sjølvsagt brukte eg stativ, men eg lyktast ikkje med å få det heilt skarpt.

Her er eit bilete av oppsettet.

Bileta vart no relativt middelmådige, men eg må ha litt til å fylle bloggen med :)

Abstrakt, nok ein gong; røykbilder

2007-09-22T16:15:00.000+02:00

Ved ein tilfeldigheit fann eg denne guiden om fotografering av røyk. Eg bestemte meg for å prøve dette, sidan eg ikkje hadde noko betre å ta meg til ein fredagskveld.

Eg fann fram to stativ, blitz, D100en og 20-35mm'ern min og begynte å fotografere røyk. Eg brukte fyrstikker og loddebolt + loddetinn til å lage røyken. Eg brente alt frå chips til tøyfiller.

Blitzen stod på 1/16 i styrke, brennvidda var 35mm og blendaren var f10. Lukkartida var den høgaste D100en kan bruke med blitz, nemleg 1/180.

Her er eit dårleg bilete av oppsettet.

I etterkant ser eg at eg burde brukt mindre blendar og meir styrke på blitzen for å gjere bakgrunnen mørk nok. I tillegg var eg så dum å gløyme at Isoen var på 500.

Her er resultatet. Kommenter gjerne :D

Bilar og lang lukkertid

2007-09-19T17:32:00.000+02:00

Bård og eg drog ut og tok bileter av bilar med lang lukkartid for nokre dagar sidan.

Eg brukte Nikon D100 og 20-35mm f2.8.

Her er resultatet:

Første forsøk på dråpebilder

2007-09-17T20:56:00.000+02:00

I helga prøvde eg meg på dråpebilder. Dette er litt av ein klisje blant fotografar, men eg tenkte eg måtte prøvde det ut.

Eg lånte ut hovudblitzen min (Sb-28dx) til ein kamerat, difor måtte eg bruke ein gamal Agfatronic 221CB blitz eg hadde. Dette gjekk nokon lunde greit, men eg måtte bruke dopapir for å senke styrken. Som bakgrunn brukte eg eit blått handkle.

Her er bilde av heile oppsettet.

Objektivet eg brukte var heller uortodokst. Ved hjelp av ein FD->nikon plastikkadapter eg laga for ei stund sida, brukte eg ein gamal 80-200mm f4 zoom. Eg får ikkje infinity fokus med denne adapteren, men det fungerar overaskande bra som makro. Slik såg kameraet ut.

Dråpane er laga med reint vatn og/eller grøn konditorfarge. Eg prøvde med raud, men eg gjekk tom før eg fekk tatt nokre gode bilete.

Det vanskelegaste med å ta bilete av dråpar var fokusen. Djubdeskarpheita er veldig lita, difor måtte eg stille inn fokusen i midten av bollen og deretter sikte slik at dråpane traff nærmast mogleg midten.

Eg måtte bruke photoshop for å fjerne refleksjonar og midtstille dråpane. Alle dei tre ferdige dråpane er redigert kraftig i photoshop, men eg er nøgd med resultatet.

Første innlegg

2007-09-17T20:49:00.000+02:00

Testing testing.

Dette er ein milepæl for meg. Trudde aldri eg skulle bli ein bloggar.

Men nok skittpreik. Her skal det hovudsakleg kome fotografier og forholdsvis lite tekst.